នេះជាការផ្សារភ្ជាប់នូវប្រពៃណី
និងជំនឿតាមបែបព្រះពុទ្ធ
សាសនា។ ដោយក្តីស្រលាញ់
និងគោរពបូជាចំពោះ
សាសនាព្រះពុទ្ធ សហគមន៍កីខ្មែរ សូមចូលរួមលើកស្ទួយនូវ
វប្បធម៌តម្បាញតាមបែប
ព្រះពុទ្ធសាសនា និងសូមជ្រះថ្លាចំពោះបុណ្យវិសាខបូជា ដែលរំលឹកនូវភាពអស្ចារ្យបីយ៉ាងក្នុងព្រះពុទ្ធសាសនាគឺ ព្រះអង្គប្រសូត្រ ព្រះអង្គត្រាស់ដឹង និងព្រះអង្គយាងចូលបរិនិព្វាន។ ទាំងនេះជាការចូលរួម និងការបង្ហាញនូវការព្យាយាមរបស់អ្នកតម្បាញកីខ្មែរ បើទោះបីជាស្ថិតក្នុងស្ថានភាពលំបាកខ្លាំង និងមិនសូវទទួលបាននូវការគាំទ្រវប្បធម៌តម្បាញតាមបែបធម្មជាតិពីបុរាណរបស់ខ្មែរក៏ដោយ ក៏ពួកយើងព្យាយាមតាមលទ្ធភាពដែលអាចធ្វើទៅបាន ដើម្បីបន្សល់នូវស្នាដៃនេះដល់កូនចៅជំនាន់ក្រោយបានស្គាល់ និងយល់នូវការលះបង់ពេលវេលាដ៍យូរក្នុងការផលិតម៉ូត១ដែលទាមទារពេលវេលារហូតដល់ប្រហែលមួយឆ្នាំក្នុងការផលិតម៉ូតវិសាខបូជានេះឡើង។ កីខ្មែរសូមថ្លែងអំណរអរគុណនូវអ្នកគាំទ្រសហគមន៍កីខ្មែរក្នុងការផលិតហូលបុរាណ និងហូលពិតានបែបព្រះបទនេះ។ កីខ្មែរសូមចូលរួមលើកស្ទួយ និងទទួលនូវការរិះគន់ដើម្បីស្ថាបនានូវការងារនេះ។ សូមអរគុណ
